فيسبوك
واتساب
قلبى البكر خدشته
منِّى ف لحظة نتشتُه
بكف الإيد وكبشته
ورد وفل فرشته
واتربعت عليه
إدَّاك كل براحه
سكنت فيه أفراحه
تعشق ليه أتراحه
تفرح ليه لجراحه
ولا بتسمِّى عليه
قلبى البكر خدشته
واتربعت عليه
أول لمسة لأيدى
نبض وشوق فى وريدى
صنتك زى وليدى
جوه الجفن يا سيدى
واتكحلت عليه
قلبى البكر خدشته
واتربعت عليه
يوم مارحلت خطفته
دم القلب نزفته
دمع عيونى ذرفته
من غير كلمة خسفته
يبكى عليك وعليه
قلبى البكر خدشته
واتربعت عليه
نعمة ربى أنساك
أنسى الشوق وهواك
وارجع تانى ملاك
وأخرج برة سماك
والعن حب انا شفته
واندم ولا أبكيه
جاية الدنيا لقلبى
حب يطوف ويلبى
يرجع نبضى لقلبي
واعلن إن دا حبى
اللى هدوب ف هواه
قلبى البكر خدشته
وما اتربعت عليه
فتاة جميلة
