وائل عبد الودود حسين يكتب: صوتى وصوتك وصوتها أمانة

صوتى وصوتك وصوتها رسالة
هنوصلها لكل العالم
صوتى وصوتك وصوتها أمانة
هنأديها وربنا علينا عالم
ومش هنفرط أبداً فيها
واجبنا نحافظ عليها
نوصل بلدنا لبر الأمان
ونرجع بيها زى زمان
واللى وصلنا ليه مش سهل
كان صعب وملهوش حل
لما وقفنا جنب بعض
رجعت لينا مصر الأرض
مصر الأرض مصر العرض

ليها علينا حق وفرض
وزى ما أدتنا من خيرها
ازاى نقدر نحب غيرها
وأنت يا نائب خذ بالك
مش هنسيبك تبقى فى حالك
أصل حالك هوا حالنا
ووجودك هوا أملنا
أملنا فى حاجات كثير
أملنا فى التغيير
هنراقب دايماً خطواتك
فى أعمالك مش فى ذاتك
هنسقف لك فى الصح
ونقولك برافو عليك
والغلط ما فيهوش نح
مش هنسمى حتى عليك
وخلى صوتك فى الحق عالى
هتعيش فى قلوبنا غالى

أصل دى أمانة فى رقبتك
مش منصب يتضاف فى سيرتك