بالفيديو..أحمد موسى يُغلق الهاتف على الهواء فى وجه مرشحة قبطية بقوائم "النور"

نشبت مشادة كلامية بين الإعلامى أحمد موسى، وسوزان سمير المرشحة القبطية بحزب النور، انتهت بإغلاقه الهاتف على وجه المرشحة القبطية، خلال مداخلة هاتفية لها ببرنامج "على مسئوليتى"، على فضائية "صدى البلد".

بدأت المداخلة بتحية سوزان سمير للإعلامى أحمد موسى، قائلة: "أولا مساء الخير عليك، صلى على اللى يشفع فيك، وبهدوء كده عشان الحوار يكون فيه فايدة وليس للشهرة، وأنا رفضت حضورى معاك فى القناة لأنى مش عاوزة أشوف إعلامى ولا شهرة".

ونفى موسى دعوتها للحضور، وسألها: "رفضتى أمتى؟"، وردت قائلة: "ممكن أقفل السكة دلوقتى وأرفض".

وثار موسى غاضباً قائلاً: "فى رعاية الله والسلام عليكم ورحمة الله، ومع السلامة اقفلى السكة ومش عاوز أتكلم معاكى، مع السلامة"، وأغلق الهاتف متابعاً: "ولا حد كلمك ولا دعيتك أصلا تيجى برنامجى، إيه تقفلى السكة.. أنتى مين أصلا، أنا جايبك عشان أديكى فرصة، وليكى الشرف تدخلى معايا".