عبد الحميد بدوى يكتب: آه يا بلد لا أعرفك ولا تعرفينى

الثلاثاء، 20 يناير 2015 10:11 ص

صورة أرشيفية

آه يا بلد ما فيش حاجة بينك وبينى
ولا أعرفك ولا تعرفينى
كل المشكلة إنك ساكنة فى نن عينى
كل ما بهرب منك كل ما أبعد عنك
بلاقى نفسى فى حضنك
وعينك فى عينى
كل أما باجى أقول بحبك
ألاقيكى بتصدينى
آه يا بلد نفسى أغنى وأنت بس اللى تسمعينى
ملامحى من ملامحك وطينك من طيني
نفسى أتكحل وأقفل عليكى عينى
نفسى أجيلك وتجيلى
أكتبك قصيدة ألاقيكى بتبكينى
أحترت معاكى وحيرتينى
نفسى ألاقيكى وتلاقينى
مش عارف ليه حاسس بغربة
نفسى تططبى عليا وتضمينى
نفسى مرة واحدة تسمعينى
آه يا بلد مفيش حاجة بينك وبينى
ولا أعرفك ولا تعرفينى
كل المشكلة أنك ساكنة نن عينى
كل ما بهرب منك بلاقى نفسى فى حضنك
وعينك فى عينى