ليه تِحزنى!
وتسيل على خدودك حبيبتى دمعتك
ليه تِحزنى!
وانتِ اللّى ربّى صوّرك زاين جمالك بسمِتِك
ياما حِلِمنا حِلمنا طول عُمرِنا
وسنين بنبنى عِشّنا مع بعضنا
طايرين وجوّانا الأمل من ربّنا
يبنى الشراع فى وِسط أمواج الحياة
يرسم بعينك بسمتك
فى ظلمة الليل والمتاه
وانده عليكى واسمعك دعوة سحر
والقى الإيدين الطاهرة من طُهر القدر
ليه تحزنى!
وانتِ اللّى من ربّك حبيبتى قريّبة
ليه تحزنى!
وانتِ اللى إيدك ممدودين بالخير ياحلوة يا طيبة
إيّاكى يوم الحُزن ييجى ويجرحك
يازهرتى والفل ساكن مطرحك
دا انتِ المداوى وبلسمى لقلبى العليل
والنيل بيجرى بين ضلوعك
كلّه عطف وسلسبيل
لوتحزنى يصبح جفاف
ويتوه معاه الحلم والزمن الجميل
ويتوه معاه الحلم والزمن الجميل
النيل
