جهاز الحموات قبل جهاز العروسة فى قرية "المنوات".. ديب فريزر وغسالة وطقم "ملامين" هدايا "إجبارية" تقدمها العروس لـ"حماتها".. والأهالى: تكلفة الزواج تضاعفت فى آخر ثلاث سنوات بسبب العادات "الغريبة"

الاهتمام بجلب الهدايا البسيطة فى المناسبات المختلفة للحموات أمر اعتاد عليه معظم الزوجات لإرضائهن، سواء قبل الزواج أو بعده، إلا أن بعض القرى فى مصر يتجاوز الأمر فيها هذه الهدايا البسيطة لدرجة تضطر فيه العروسة لتجهيز حماتها لتنول رضاها.

"ديب فريزر - غسالة - طقم ملامين" بعض الهدايا التى تضطر العروسة فى قرية "المنوات" بمحافظة الجيزة، إلى أن تهادى بها "حماتها" قبل الزواج ما يرفع التكلفة على أى عروسة تستعد للزواج.

"أم إلهام" والدة إحدى الفتيات تقول: "من كام سنة البنات فى القرية كانوا متعودين يجيبوا هدايا لحمواتهن قبل الجواز بس كانت حاجات بسيطة زى الكبايات أو العبايات لكن دلوقتى كل عروسة بقت تجيب جهازها مرتين مرة ليها ومرة لحماتها".

وتضيف: "أنا جبت لحماة بنتى مرتبة وشوية حاجات للمطبخ، لكن دلوقتى الناس زودتها أوى وبقت كل الحموات بيبصوا ويقارنوا الهدايا اللى بتقدمها لها العروسة بباقى القاريب أو الجيران".

وتقول "أم هشام" من نفس القرية: "أنا جبت لحماة بنتى غسالة هدية زى اللى جبتها لبنتى، من حوالى كام شهر، وطقم كبايات، وعبايات، بس دلوقتى العروسة بقت تجيب حاجات أكتر لحماتها عشان ترضيها قبل الجواز".

فيما تؤكد "ناصرة" إحدى الأمهات فى القرية أن الأمر أصبح لا يقتصر فقط على هدايا الحموات وإنما تقديم هدايا لأخوات الزوج أيضًا.

وتضيف ناصرة: "أنا أعرف أهالى فى القرية هنا وهما بيشتروا جهاز بناتهم بيعملوا لستة بالحاجات اللى هيشتروها لحماة العروسة وأخوات العريس وفى ناس بقت بتتسابق على الهدايا اللى تقدمها للحموات ودلوقتى آخر هدية ديب فريزر يعنى ممكن الهدايا توصل كلها حوالى 3 أو 4 آلاف جنيه وده كتير وحرام فعلاً وكله بسب العادات الغريبة، رغم أنه مكنش بيحصل قبل كدة وكانت الهدايا اللى بنجيبها بسيطة عشان نقلل تكلفة الجواز عكس اللى بيحصل دلوقتى".

لمعلوماتك
أسعار
ديب فريزر 1700 : 4000
أدوات مطبخ 120 : 200
مكنسة 600 : 1200
طقم سفرة 200 : 1100
غسالة 1300 : 3000
ثلاجة 1200 : 5000
دش 400
طقم ملامين 60
الحد الإجمالى الأدنى 5580


موضوعات متعلقة
"بدلة الرقص" أهم تفاصيل جهاز العروسة المصرية

إزاى تشترى "جهاز" العروسة من أفضل الأماكن بأحسن الأسعار؟