"ناس بتجرى ورا الأتوبيس من غير ما تعرفه رقم كام"..تصرفات مصرية فى هاشتاج ساخر على"تويتر" بعنوان"حاجات هتلاقيها فى مصر بس".."أكياس منشورة فى البلكونة"..و"تليفونك يرن فى المترو اللى جنبك عايز يسألك مين"

كعادة مستخدمى موقع التواصل الاجتماعى "تويتر" فى مواصلة السخرية، دشنوا "هاشتاج جديد" بعنوان "حاجات تلاقيها فى مصر بس" وذلك لرصد أغرب الظواهر الموجودة فى المجتمع المصرى بطريقة ساخرة، ولقى الهاشتاج ردود أفعال كبيرة.

وأكد النشطاء أن مصر موجود بها أشياء لن تقابلها فى أى بلد آخر، مثل خفة دم شعبها وجدعنة المصريين، والأكل الذى يتميز به المصريون فقط مثل "الفسيخ، والمحشى، والملوخية".

ورصد المستخدمون أغرب الظواهر السلبية فى المجتمع المصرى، المميزة وغير الموجودة فى أى بلد آخر، حيث جاءت أبرز التعليقات "واحدة حاطة الموبايل فى الطرحة" حصريا لمصر.
وأضاف آخر الحاجات اللى هتلاقيها فى مصر بس "أكياس البلاستيك المنشورة فى البلكونات".

وقال آخر "ناس بتجرى ورا الأتوبيس من غير ما تعرف هو أصلا رقم كام ورايح فين ماشيين بمبدأ يمكن يكون هو"، وسواق المكروباص لازم يحط سماعات كبيرة ويرفع صوت الأغنية على الأخر كأنك فى فرح شعبى، كما جاء تعليق مغرد آخر"تكون رايح مشوار وتلاقى جارك بيقول على فين كدا".

وعلق آخر "اللى جمبك فى الميكروباص لو موبايلك رن تلاقيه مدقق مين اللى بيتصل، وتلاقى فى مصر فقط "الكهرباء اللى بتقطع بالسبع ساعات وفرحة الناس بيها لما بترجع"، والتوقيت الصيفى والشتوى.

وتابع آخر تحويشة الأكياس والبرطمانات اللى ملهاش أى لزمة فى المطبخ كأننا هندخل بيهم مسابقة، وشنط المحلات الفخيمة بس هى اللى بتتشال تحت المرتبة، وأكبر نسبة استلاف من شركات المحمول، و"اللى بيعدى الطريق قدام عربيتك وبيقولك بنظرته من باب لو أنت راجل دوسنى".