بالفيديو.. "الطيار": بنسبق الطريق عشان نوصل الطلبات للزباين

"الطيار"، لقب أطلق على عامل توصيل الطلبات المنازل والمشهور أيضا بإسم "الدليفرى مان" والمسئول عن توصيل الأطعمة فى أوقات محددة لا تقبل تأخير وإلا لاقى ردود وانفعالات من بعض العملاء أو قابل أعذار أخرين.

وقال عماد محروس، أنه يعمل دليفري منذ 13 عاما، أنه يعمل بالموتوسيكل الخاص به لتوصيل الطلبات إلى المنازل، ونقدم الطلب للعميل بكل احترام بعد أن نضغط على الجرس ونأخذ خطوات قليلة للخلف، ثم نعود إلى المحل لنحاسب على قيمة الطلبات التى قمنا بتحصيلها، ونقوم بهذا العمل يوميا حتى ننهى عملنا على فى السابعة والنصف مساءا يومياً.

وأضاف محروس خلال لقائه بـ"فيديو7"، قناة اليوم السابع المصورة، "الطريق لما بيقفل بيبقى صعب انك توصل للزبون فى ميعاده وفى زباين مبتستحملش ويكلمك بطريق مش ظريفة، وتلاقى واحد يفتحلك الباب يقولك ايه اللى اخرك كأنك نازله من الشقة اللى جنبه".

وعن لقب "الطيار" وأسباب إطلاقه على رجل توصيل الطلبات المنازل، قال عم عماد "قالوا علينا لقب الطيار من ساعة ما كنت شغال من 13 سنة، عشان بنسبق الطريق وبنحاول نسلك وسط العربيات وبنحاول ما نتأخرش على الزبون".

وعن معيشته، أوضح "ببقى عايش على البقشيش يوم 5 ويوم 7 جنيه واهو بيساعد بس لو بتدور على المرتب ميكفيش"، لافتا إلى أنه لا يحسب البقشيش شهريا لأنه يستهلكه يوميا فى البنزين المستخدم فى الموتوسيكل الخاص به وبعض الأمور المتعلقة بعمله، مؤكدا أن هذه المصاريف على حسابك الخاص ولا يتحمل المحل تكلفتها.