احتل الهاشتاج المراكز الأولى عبر موقع "تويتر"، حيث قام النشطاء بالتفاعل معه بشكل كبير، للتأكيد على رفضهم انقطاع التيار الكهربى المستمر، والذى وصفوه بـ"غير الآدمى".
وطالب النشطاء، عبر الهاشتاج، وزير الكهرباء والمسئولين بتوضيح أسباب الانقطاع المستمر للتيار الكهربى، مؤكدين أن المشكلة زادت عن الحد، وذلك بعد انقطاع الكهرباء لفترات طويلة التى تصل أحياناً إلى أغلب ساعات اليوم.
فيما قام عدد من النشطاء بالسخرية من انقطاع الكهرباء قائلين، "النور بيجى ساعة وبيقطع ساعتين، وعلى كده طول اليوم"، "لما بكون فى الشارع والنور بيقطع مش بروح البيت بفضل ألف لحد ما ييجى"، "بفرح جدا لما النور يقطع بكون على السرير والشارع هدوء والضلمة وشوية الهوا اللى بيهبوا دول".
وقام آخرون بتبادل بعض الأفكار والنشاطات للتسلية فى أوقات انقطاع الكهرباء، قائلين، "أول ما النور يقطع بطلع سماعتى وبسمع مزيكتى وأفصل من الناس ما هو أصل الناس مايستهلوشى"، "لما النور يقطع بقعد على جمب وبحط أيدى على خدى بستناه ييجى"، "أحسن حاجة تعملها أول ما النور يعملها ويقطع تدخل تنام أنام لحد ما النور ييجى".
وعبر عدد من مستخدمى مواقع التواصل عن استيائهم من الأزمة، قائلين، "فى دول العالم المواطن بيدفع تمن الكهرباء اللى بيستهلكها، إلا فى مصر المواطن بيدفع تمن الكهرباء اللى مش عنده أساسا"، "وده سؤال برضه بفضل ادعى على الراجل اللى ماسك مفتاح الكهرباء".
وقام أحد النشطاء بتعديل اسم الهاشتاج ساخراً من الانقطاع المستمر للكهرباء، قائلا، "وبعدين السؤال المفروض يبقى.. بتعمل أيه لما النور بييجى؟".
كما كشف آخرون "ساخرين" عن بعض الجوانب الإيجابية لانقطاع التيار الكهربى مستخدمين الأسلوب الساخر، قائلين، "بجيب كتاب أقراه أوى لما النور يقطع وأنا نايم على السرير قدام الشباك لحد ما يشرف تانى"، "لما النور بيقطع التكييف بيفصل بفضل أعرق كتير وبكده أبقا خسيت من غير مجهود".
فيما كشف أحد النشطاء عن الجانب السيئ لانقطاع التيار الكهربى، قائلا، "اللى عايز يجرب مأساة بجد يدخل الحمام وبعدين النور يقطع".
1- النشطاء يسخرون من انقطاع الكهرباء
2- كومكس يسخر من انقطاع الكهرباء
3- سخرية من مشكلة الكهرباء بكومكس لمحمد مينر
4- كومكس لعادل إمام للسخرية من مشكلة الكهرباء
تم أضافة تعليقك سوف يظهر بعد المراجعة