وقال الحزب فى بيان بلغة عامية عبر صفحته الرسمية لأمانة المعادى: "اقرأ الكلام وفكر فيه كويس.. ملهاش لازمة المسيرات ولا المواجهة بينى وبين الشرطة لو هاروح تعبان بعدها وهنام ومش هاصلى الفجر.. ملهاش لازمة مسيرة الجمعة لو هاجى أقف أدام المسجد وما صليش لحد ما الشباب تخلص صلاة ونبدأ".
وأضاف: "ملهاش لازمة أنى أقعد أحضر فى وسائل دفاع طول الليل وأنا من شهور ما مسكتش المصحف وقرأت فيه، ملهاش لازمة إنى أخرج أجاهد فى سبيل الله وأنا متخانق مع أبويا وأمى وسايبهم بيعيطوا فى البيت بسببى".
وتابع: "ملهاش لازمة لما اهتف فى المسيرة "فى سبيل الله قمنا" وأنا بتعصب فى المسيرة وبشتم وبسب الدين للشباب، ملهاش لازمة إنى أطلع مسيرة علشان أشوف بنت معينة أو أخليها تشوفنى وتضيع ثوابك، ملهاش لازمة المسيرة أو الفاعليات لو مش هاتعمل فروض ربنا الواجبة عليك، المسيرات والمظاهرات والوقفات والهتافات والمواجهات كل دى أعمال بنتقرب بها إلى الله فمتخليش الأعمال دى شاهدة عليك يوم القيامة بالسوء"، واختتم البيان قائلا: "آخر حاجة وأهم حاجة المظاهرات مش هاتدخلك الجنة من غير حساب".
