فيسبوك
واتساب
قررت اسرح فى الملكوت
وأعيش لحظة سكوت
وافصل دماغى عن الواقع
كأنى واحد تحت حكم الموت
قررت اسرح فى الصمت الرهيب
وأنسى عالمنا العجيب
ماهو كده كده ناسينى
وبيعاملونى كأنى غريب
قررت ابعد عن عالم الفساد
عالم التخلف فيه ساد
والضحك على العقول فيه كتر
وانضحك على كل العباد
قررت انسى كل أنينى
واقتل جوايا حنينى
لعالم ضاع فيه
كل عمرى وسنينى
ده عالم جروحه ماليانى
وبتداويها لهيانى
والدنيا دى جروحها كتيرة
ولا بد فى يوم وتكون غلبانى
نفسى اشوف جوا القلوب
إيه اللى عنى مكتوب
وياترى جوا مكروه
ولا يا ترى محبوب ؟؟
بس الواقع مبيتغيرش
ومن أحزانى مبهربش
أصل الأحزان زى الولد
دايما بتقش
تدخل جوايا وتعيش
وإن حد سألنى أقوله مفيش
واهى كلها دنيا
لازم فيها نعيش
صورة أرشيفية
