تسيب الدوح بأشجاره
وتسكن قلب منورنا؟
منوَّرنا يا سى البلبل
وتبنى عشك الدافى
ولا العفاريت
فوق المصعد؟
معاه تصعد معاه تنزل
وبتفسح ولاد زغاليل
نهار أو ليل
ولمَّا النور يقوم يقطع
بتهدى تنام
كِتِرْ نومك يا سى البلبل
فى دى الأيام
وييجى النور تقوم تصحى
من الأحلام
ونسمع ردحك العالى
نقول دا غناه
وكنت زمان بتفرحنا
نقول الله
أتارى البلبل الساكن أسانسيرنا
بيشكى النور ومين جابه
ويلعن بيتنا وأبوابه وبوَّابه
كتبت جواب هذا البلبل
إلى السيسى
إلى حكومته
لكل من أطال نومته
بقطع النور
بنشكركم ونتمنى بكل سرور
نعود للمبة سهَّارى
للمبة جاز
ودا إنجاز
عشان خاطرك يا سى البلبل
انقطاع الكهرباء – أرشيفية
مشاركة
اضف تعليقاً واقرأ تعليقات القراء
مشاركة
