المغير: صفقة بين الإخوان وبريطانيا لعدم إعلانها جماعة إرهابية

اتهم الناشط الإخوانى، أحمد المغير، الملقب برجل خيرت الشاطر، بعض قيادات الجماعة، بأنهم أبرموا اتفاقاً مع بريطانيا، بمساعدتهم فى مواجهة من وصفهم بالمجاهدين، مقابل عدم اعتبار بريطانيا للجماعة أنها إرهابية.

وكتب المغير عبر حسابه على "فيس بوك": "قاعدة فقهية أصيلة مستمدة من نص قرآنى بنفس الصياغة ومعناها أن محدش هيتحاسب على وزر حد تانى وكل واحد هيتحمل نتيجة أعماله هو، وبنفس الطريقة: لا ترث نفس إنجازات أخرى".

وتابع قائلاً: "يعنى لما حد من 80 سنة يكون عمل خير معين فالعمل ده يخصه هو، إنجازه هو، حسناته هو مش عملك أنت ولا إنجازك أنت ولا حسناتك أنت فلما يجى حد النهاردة يقولى ده أنا من جماعة بقالها 80 سنة حاربت الإنجليز وحاربت فى فلسطين وعملت وسوت يبقة أقل وصف يتوصف بيه إنه حرامى إنجازات لأن لا هو اللى حارب الإنجليز ولا هو اللى حارب فى فلسطين ولا هو عمل ولا هو سوا بل قد يكون هو ممن يفسدون كل الإنجازات اللى عملها الراجل اللى جه من 80 سنة، عاوز تثبتلى نفسك اتكلم عن نفسك وقول أنا عملت وأنا سويت أما إنك تخدر نفسك والآخرين بالكلام عن إنجازات غيرك فى الوقت اللى أنت فيه بتخربها وبتدمرها تماما فأنت كده بتضحك على نفسك وبتضلل غيرك".

واختتم قائلاً: "بعض ممن يدعى انتسابه لهذه الجماعة اللى حاربت الإنجليز من 60 سنة كان بيبوس أيد الإنجليز من كام أسبوع وتنازل فيها عن دينه واتفق معاهم على حرب المجاهدين مقابل إنها متعتبرهوش هو وشلته إرهابيين".