"بابا طلق ماما واتجوز واحدة تانية ومش بيسأل عليا وأنا نفسى أشوفه".. هذه الكلمات قالها الطفل "نور" من أمام محكمة الأسرة بمصر الجديدة أثناء نظر دعواه بإلزام والده برؤيته.
وتابع الطفل الصغير لـ"اليوم السابع" قصته بكلمات معظم حروفها ضائعة لصغر سنه: "كنت دائما بشوفه يضرب ماما معرفش ليه ويزعق فيها بس أنا بحبه وإحنا مش معانا حد يسأل علينا ولا يصرف عليا وأنا نفسى أشوف "بابا" خلوه يرضى يجى عندنا البيت".
وتابع "نور": "شفت صور الفرح وكان لابس بدلة وقاعد مكان العريس وماما قالت انو أتجوز ومن يومها هو مش بيتكلم معانا وأنا زعلان وكمان مراته جابت له "بيبى" مشغول بيه عنى أنا نفسى نبقى أخوات وعيلة واحدة".
يذكر أن والدة نور أقامت دعوى رقم 1325لسنة 2014 وطالبت فيها المحكمة بإلزام الأب بـ"زيارة" طفلها حيث إنه يعانى نفسيًا من امتناع الأب من رؤيته وأصيب بأزمة نفسية جعلته منعزلاً عمّن فى مثل سنه، وما زالت الدعوى متداولة بالمحكمة.
