فيسبوك
واتساب
مش هنسامح
مش هنصدق
عمره ما صلى
لمّا القاضى فى وشه اتملَّى
وسابه يقول
طلع الراجل جواه شيخ
كسر الفصحى وهد كيان
أصل الباشا يا عم تاريخ
هوه وهوه
كل الناس تتكلم برة
ماسك الخيط جواه من جوه
كل العالم كان فى مؤامرة
علشان ثورة ما هيَّاش ثورة
كانت هوجة وجايا من برة
واللى عملها كان معروف
جوة ف أوضته ظبطنا الكاميرا
كله يا باشا ع المكشوف
عالم كل بواطن أمرك
كل الناس مربوطة بأمرك
الغزاوى واللى اتأمرك
واللى إندولر واللى إدرهم
طب طبيتوا يا باشا إزاى؟
وبتستجدى العفو لأمرك
فتحوا السجن وخرجوا الناس
وأنت دخلته بقية عمرك
مين هيسمى يا باشا عليك
لمّا فى خيَّة وجات رجليك
اللى ما سمَى واللى ماصلى؟
واللى كنسها وحتى ماخلّى؟
عمر الدنيا ما تُلْطُفْ بيك
صورة ارشيفية
