فيسبوك
واتساب
علشان صورتى بتكمل بيكـى
طول عمر مرايتك فعيونى
ومرايتى بشوفها فعنيكـى
بتكملى فيا شىء منك .. مش بزهق منك أو أملك
الكلمة مقسومة ما بنا .. تقوليها .. واجى أكملك
فـلماضة فضحك بنتشابه .. فمفاجأة جميلة بنتسابق
عن بعض نقرب وبنبعد .. لكن عمرنا ماهنتفارق
اتعصب .. تيجى تهدينى .. واما ازعل تيجى تراضينى
وخلاص تسبينى كده لما أهدى .. بعدها بتجيلى تعاتبينى
ليكـى نظرة غريبة أما استعبط .. وبتقاسى كتير لما أنا أغلط
أوقات مش بعرف أبررلك .. أصل أنا قدامك بتلخبط
ليكـى لحظة عقل فى جنونى .. وقرارك بقراه بعيونى
أصل الكلمة بينا بنظرة .. افهمها من غير ما تقوللى
فى حياتنا حاجات جد وتافهة .. وكمان فـى حاجات فينا مختلفة
لكن المتعة إنك جنبى .. وفوقت الشدة ألاقيكـى واقفة
شكرًا انك غيرتينى .. خليتى صورتى .. حلوة فى عينى
والحلو اللى موجود فيا .. سببه إنك كملتينى
صورة أرشيفية
