خالد صلاح

أكرم القصاص

عذاب القبر.. والتاتش والمريخ

الجمعة، 15 أغسطس 2014 07:33 ص

إضافة تعليق
كان يقف فى محله وأمامه زبون مستسلم للمقص.. عندما دخل عليه رجل خمسينى.. ألقى السلام ورحب به صاحب المحل. وبعد السؤال عن الأحوال قال الرجل الخمسينى غاضباً: دول ناس جهلاء.. أنا بحثت فى هذا الموضوع وتوصلت إلى نتائج مهمة فى البرهنة على وجود عذاب القبر، ومن ينكرونه جهلاء ومغرضون يريدون هدم كل حاجة.. وأردف للتأكيد: حتى عذاب القبر مش عاوزين يعترفوا به.

تدخل رجل كان ينتظر فى ركن المحل يقلب فى شاشة الموبايل: طبعاً مش سايبين حاجة فى حالها.. ولا الراجل اللى بيبيح للخطيب التجسس على البنت قبل الخطوبة وهى فى الحمام.. وعلق: قليل الأدب.

رد الرجل فى الركن: بس دى فتوى قديمة.. رد: قديمة ولا جديدة.. بس ميصحش.
عاد الرجل الخمسينى متحدثاً بحماس: اللى يقف كده ويعمل حمام وهو واقف، هيتعذب ودا مؤكد. وعذاب القبر أكيد أكيد..

سأله صاحب المحل بخوف: فعلاً يعنى لازم الواحد يقعد؟.. موضوع الخلاء دا بحر واسع مش أى حاجة كده. دا علم بس الجهلا بقى.

وانتبه الرجل الخمسينى للموبايل فى يد الرجل فى الركن وسأله: إيه الموبايل دا.. تاتش.
رد بيقين: آه حلو قوى صينى بس فيه كل حاجة أحسن من السامسونج. نت وفيس وباتابع فيه كل حاجة.

وعاد الرجل الخمسينى ليقول: عامل إيه فى الكهربا.. أنا جبت مولد هندى بس حلو وما بياخدش بنزين كتير.

رد الرجل من الركن البعيد: آه دا فيه جهاز بيشحن وبيشتغل 6 ساعات ويشغل كل حاجة ممتاز..

سأله الرجل الخمسينى: هندى برضه؟

رد: فى منه هندى وتايوانى وصينى أنواع، بس الهندى أحسن وأرخص.
وسأل صاحب المحل الرجل الخمسينى: بنتك دخلت كلية إيه؟

قال له: جايبة 96 فى المية، ودخلت فنون تطبيقية، ونجحت فى القدرات.
عاد ليسأل: قسم إيه؟

رد: فيه عمارة وديكور ونحت وهى كلية ليها مستقبل.

قاطعه مبتسماً: بلاش النحت دا حرام وتماثيل وأصنام.

كان صاحب المحل يقلب فى التلفزيون وتوقف على قناة تعرض تقريرا عن أبحاث تجرى للبحث عن غاز ثانى أكسيد الكربون على المريخ. فعلق الخمسينى ساخراً: الناس دى فاضية؟ مريخ إيه وبتاع إيه. بيدوروا على سكان فى الكواكب التانية، تاعبين نفسهم فى الفاضية.
نعيماً.. أنهى الرجل حلاقته وانصرف وأخرج الرجل الخمسينى عدة الحلاقة الخاصة به، ومن بينها موس يستخدم لمرة واحدة. سأله الرجل: صينى؟! رد باستنكار: لا يابانى.
إضافة تعليق




التعليقات 10

عدد الردود 0

بواسطة:

الشعب الاصيل

هناك غيبيات كثيره لا تقبل الجدال او فتاوى التخمين واحسن عباره تقال الله اعلم

بدون

عدد الردود 0

بواسطة:

الشعب الاصيل

الجهل الد اعداء الانسان وانتشار الخزعبلات والشعوذه والدجل دليل على التخلف والانحدار

بدون

عدد الردود 0

بواسطة:

الشعب الاصيل

الفاسد لا يحميه الا فاسد والضمير الميت لا يستحق صاحبه الحياه

بدون

عدد الردود 0

بواسطة:

الشعب الاصيل

المصيبه الكبرى فى بقية اعضاء المافيا الذين مازالوا يتمسكون بمقاليد الحكم حتى الان

عدد الردود 0

بواسطة:

الشعب الاصيل

يا سيادة الرئيس - كل البطولات تذوب وتختفى مع التزوير - الشباب اولا وثانيا وثالثا

بدون

عدد الردود 0

بواسطة:

الشعب الاصيل

سيادة الرئيس - اسهمك ستصل عنان السماء اذا اهتممت بعلاج كافة مشاكل شباب مصر البائس اليائس

بدون

عدد الردود 0

بواسطة:

الشعب الاصيل

سبحان الله - عندنا بلاوى الدنيا كلها ورغم ذلك نطلق وابل النصح والحكمه للعالم كله

بدون

عدد الردود 0

بواسطة:

سعيد سالم.com

القبر وعذابه !!

عدد الردود 0

بواسطة:

يحيي

الاصلاح الدينى حدث فى اوربا منذ خمسمائة عام وهى الفتره التى تفصلنا عنهم

عدد الردود 0

بواسطة:

الشعب الاصيل

هل هناك غباوه اعظم من اكتساب كراهية الشعب - ما تفعلوه يا اخوان هو قمة الغباوه والتخلف

بدون

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة