فيسبوك
واتساب
فى شهر الصيام كما اشتهر
تزيد المؤنة ويحلى السهر
ونعمل حسابنا فى بدو وحضر
وغاية طموحنا فطور مُعتبر
****
ومطبخ طوارئ طوال النهار
محمّر مشمّر وكل الخُضار
وسفرة بتصرخ فى ساعة الفِطار
وربّك بيرزق وتفضل عمار
******
وكلّه بيخطب فى وِد الفانوس
ياصينى ياشاطر فى لهف الفلوس
كأنّه حرامى بيشرُط بموس
ونِرجع نولول وتقلب كابوس
******
وخيمة سيادته بإسم السحور
بترقص فى حارته ويلعب سرور
وحاسس كأنّى فى حفلة طهور
يساعد بهزة فى هضم الفطور
*******
وكعكة تزاحم رغيف الطابونة
وبسكوت يزيد المشاكل سخونة
وينزل عرقنا بفضلك بؤونة
وتحيا الجِراية وتحيا المؤنة
مائدة إفطار
