فيسبوك
واتساب
ماتاهش فى الغربة ولا فى الزحمة
تاه مع نفسه وبقت نفسه مش نفسه
ارجع يا ابنى زى ما كنت ارجع وارضى والديك
وارضى ربك وارضى كل الناس
عشان نفسك ترضى عليك
ماتجريش ورا شهوة هتزول
ولا كلمة حلوة لابسة قناع تغرقك فى بحر موجه عالى
وأنت يا ولدى متعرفش تعوم
أناعارف إن التيار عالى عليك
لازم توطى عشان يعدى من فوق رأسك
أو مابين رجليك
يا ابنى مش كل الناس غلط وأنت اللى صح
إرجع لنفسك فوق عشان تصح
من غير رضا الوالدين هتعيش حياة جحيم
لا تشوف يوم هنا ولا ينفع لهم بديل
اسأل اللى قبلك جرب وافهم
يعنى إيه أبوك وأمك مش راضيين
على سوء اختيارك للنسب اللى ما فيهوش شىء من الدين
اسأل رسولك ونبيك يا مؤذن باسم الدين
واقرأ كتاب ربك وشوف قال إيه عن بر الوالدين
إن فات الوقت ما ينفعش بعده ندم
يا تايه.. قولنالك ع السكة
ارجع منها ارجع ولو فيها ألم
طريق والديك
قبل القطر ما يعدى
وماتلاقيهمش بين إيديك !!
أرشيفية
