والله وبقيت رئيسنا يا سيادة المشير
وطريقك بقى طريقنا ووحدنا المصير
بإرادة وعزيمة اخترنا ومقامك كبير
خايف عليها معانا وحبيبها بضمير
هنلبس بلدنا توبها دى كبيرة مقام
ونمحى كل عيوبها ونعيشها فى سلام
يا مصرى شد الشدة وافرد فى الشراع
دى مصر عينيها شاردة وكفيانا اللى ضاع
إيدى فى إيدك يا مصرى نغزللها فستان
دى مصر عروسة محروسة حتى اسألوا الرُبان
موجة حمرا وموجة بيضاء
وارض سمراء مكملة العنوان
يعنى علمك مفرود يا مصر
مرفرف على الشطين
لفيت كتير ملقتش زيك
ولا حتى فى الأحلام
مقامك كبير وشعبك طيب
حتى اسألوا القرآن
يا فلاحين ازرعوا أراضيها
وصنعوا يا صُناع
دى مصر دى أقوى ما فيها
دراعها بألف دراع
وأرضها طرحة سنابل طرحت لنا ثوار
شباب أقوى من القنابل داس فى قلب النار
حالفين ليكبروها يعمروها يقدروها لآخر المشوار
عبد الفتاح السيسى رئيس الجمهورية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة