عمرو سلامة يوجه الشكر للجمهور ولفريق عمل فيلمه "صنع فى مصر"

وجه المخرج عمرو سلامة الشكر لفريق عمل فيلمه السينمائى الجديد "صنع فى مصر" وأيضا للجمهور الذى شاهد الفيلم والذى ينوى مشاهدته فيما بعد.

وكتب سلامة على صفحته الشخصية على موقع "فيس بوك": "شكرا لكل الناس اللى شافت فيلم "صنع فى مصر" وقالولى آراءهم وشكرا للى لسه مدخلوش وناوى يخشه".

وأضاف "وبعد الانتهاء من إخراج فيلم روائى رابع وتسليمه لإيد القدر والجمهور.. حاولت أجرب أعد النعم لقيتهم كثير فحبيت أشكر المسببين ليهم، شكرا لكل منتج أو فنان أو فنى اشتغل معايا ووثق فيا، شكرا لكل حد علمنى إذا كان يقصد أو لأ، شكرا لكل صحفى أو إعلامى ساعدنى فى توصيل أعمالى للناس، أن كان مدح أو حتى ذم".
كما وجه الشكر أيضا للجمهور قائلا "شكرا للجمهور كله اللى اهتم يشوف أى عمل، عجبه أو حتى معاجبوش، قال كلمة حلوة شجعت أو قال كلمة نقد علمت، شكرا لكل اللى كره لأنه أهم سبب بيخلينى أحاول أطور من نفسى علشان أثبت له إنه غلطان، شكرا لكل الناس اللى بتشجع، بتقف جمبك، بيشاركوا الفرحة أو بيستحملوا الغضب، انتوا اللى بتخلوا الحياة أحلى، ده شكر واجب لأن ساعات الواحد بينسى يشكر".