عايز "تثبّت" مراتك وتخليها راضية عنك.. تعرف على أهم 40 قاعدة للتعامل مع "الأنثى".. الورد والشيكولاتة والاهتمام أبرز النصائح عشان تمتلك قلبها.. وإياك والخيانة أو المقارنة أو الانتقاد دون داع

تداول عدد من نشطاء موقع التواصل الاجتماعى "فيس بوك" 40 نصيحة لتعامل الزوج مع زوجته، بطريقة ساخرة دفعت رواد الموقع إلى نشرها، على طريقة الكتاب الشهير "قواعد العشق الأربعون"، تم صياغة هذه النصائح بطريقة ساخرة..

1-اعترف انك غلطان
2- قولها إنها فقدت وزنها وخست
3-صوم ثلاثة أيام
4- احترم أهلها
5- احترم شغلها
6- احترم هوايتها
7-احترم خصوصيتها
8-احترم نفسك بقى وقدم لها بوكيه ورد
9- صور الورد وارفعه على الفيس بوك عشان تضايق أصحابها
10- جهز نفسك لخناقة عشان أصحابها هيحسدوكوا
11- جهز نفسك انك تعترف انك غلطان من قبل ما تعرف الخناقة بسبب إيه
12- قولها كلام حلو
13- خلى بالك أوعى تقول كلام حلو كتير عشان هتحس إنك بتخونها
14- إياك والخيانة
15 – أوعى تقارنها بحد
16- أوعى تتكلم عن التخن عشان متتكلمش معاك عن كرشك
17- أوعى تقولها أكل ماما أحلى احتفظ بمعلوماتك لنفسك
18- حاول تساعدها فى شغل البيت لأنها مش خدامة
19- لو عندكم أولاد ساعدها فى تربيتهم
20- عايز تبسطها عليك وعلى شراء الملابس الجديدة
21- سيطر على غضبها بفلوس كتير
22- لازم يكون مصروف البيت معاها
23- أوعى العيد يفوت من غير ما تديها العيدية
24- أوعى تنسى الأعياد والمناسبات الخاصة بيكم
25- عيشوا فى جو المخطوبين
26- كل ما تقلب عليك هات لها هدية
27- قولها إنها أحلى من هيفاء وهبى ونانسى عجرم
28- بعدها لازم تصوم 3 شهور
29- لازم تظهر لها حبك واحترامك قدام الناس
30- أوعى تنتقدها قدام حد و لا حتى ابنك أو بنتك
31- إياك تهتم بابنك أو بنتك أكتر منها
32- عاملها بما يرضى الله
33- أوعى تدخل وسيط بينكم
34- حاول تكون حريص على إنك تصالحها باستمرار
35- أعمل لها مفاجآت على طول
36- حبها قد حبك لأبو تريكة
37- اشكرها على أى حاجه بتقدمهالك
38- الشيكولاته هى الطريق الأسرع لقلبها
39- حاول تفهمها إنك عايش ليها وبس
40- بعدها لازم تصوم 15 سنة