آه يابنت الايه بحبك
رغم اللى بشوفه فيك
ورغم اللى بشوفه منك
برضه احبك
أعمل ايه..
علمونى من زمان
انى أحبك
وانشغل دايما بحبك
وانت حبك حب تانى
حب غير حب الأغانى
حب يشقى
حب ما بيسعدش صاحبه
زى أى حب تانى
ون فى يوم غضبت منك
وغصب عنى بعدت عنك
ألقى حيك جوه قلبى
يصحى فيه من جديد
يمسح الدمع فى عينيه
ويصالحنى عليكى تانى
أرجع أحلم من جديد
انى أرجعلك وألقى
ألقى فيك يوم جديد
يوم منور مش ضلام
يوم مافيهش قسوة مرة
من ولادك ..
لا .. مش ولادك
اللى بيهينوا ولادك
واللى بيذلوا ولادك
واللى نهبوا مال ولادك
واللى سرقوا البسمة منهم
دولا أبدا مش ولادك
دولا أولاد الحرام ِ
دولا اولاد الحرام
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة