عمرو إيهاب يسرى يكتب: حلمك مش بعيد

كتير من الناس بتصدق نفسها بتصدق حلمها طول عمرها بتحاول بتصدق إن أى حلم بيبتدى صغير بيجيلو يوم ويكبر، بيبقى عارف إن مفيش حد بيتولد مشهور أو ناجح لكن مع الحلم والأمل بيحقق حلمه ويكبر حلمه جواه، ومهما حصل مبينساش أنه ممكن يبقى حاجة بس بيبقى عارف إن الحلم البعيد مسيرو يبقى قريب، وأى سفر كنا بنقول عليه مشوار ومتعب وبنبقى عارفين أنه متعب بنكمل فيه، وبنسافر وفى الآخر بيجى وقت ونوصل وبعد التعب بننسى كل حاجة ونفتكر إن إحنا وصلنا وبس وصلنا للحاجة بعد شغل وتعب كتير لأن فى البداية كان عندنا أمل، أمل يهز جبال أمل إن هدفنها قدامنا بخطوات أو حتى كيلومترات مش مهم ومش هتفرق أهم حاجة نوصلو وخليك فاكر إن ساعات الحاجة القريبة صعب نوصلها وساعات الحاجة البعيدة بنوصلها علشان الحاجات دى مش بتتقاس بالمسافات بتتقاس بالإصرار .