فيسبوك
واتساب
قلمك يا حكومة علم فى وشنا
حتى الابتسامة اتسرقت مننا
الصفعة جت شديدة علينا كلنا
ده أنتى الحكومة الوحيدة اللى جاية بأمرنا
علشان كدة كل الناس كانت مستغربة
إن الحل ييجى منك كدة بالمطرقة
لأ و لأ و لأ صدقينى أكبر غلط
وقعتى يا حكومة حق وقعتى فى الغلط
علشان خاطرنا ارجعى
لو شوفتى بيوتنا حتدمعى
ده مش حل المرحلة
فى حلول كتير متأخرة
الطبقة الوسطى متلصمة
والفقير ليه مظلمة
خدى بكلامى يا حكومة
ده مش لسانى دى قلوب مكلومة
تعبنا خلاص اعقليها
لا الناس تقطع بعضيها
عايزين نعلّى كلنا فيها
بدل ما تطلع علينا أفاعيها
جحورهم لسة متقفلتش
ما تمدى إديكى وسديها
ياللا بينا نفكر تانى
اوعى يا مصرى تعيش وحدانى
مش ممكن تكون أنت الجانى
ده أنا خليتك عنوانى
اوعى تقول عليا أنانى
ده بس جروح مصر ألمانى
اوعى تستهتر بكلامى
ولا تنسى إن أحلامك هى هى أحلامى
البسطاء فى مصر - أرشيفية
