فيسبوك
واتساب
قطايف كنافة حشوها لوز
تمر و سوبيا وعرق سوس
وكل بيت على بابه فانوس
قطايف كنافه حشوها لوز
زبيب و فسدق و كمان جوز
صوم و صلاة و قيام الليل
جهاد نفوس و صبر جميل
جيت يا شهر كله خير
ببركة تصحصح كل ضمير
بنستناك من عام لعام
بتيجى و تمشى كأنك طير
يا شهر البركة يا رمضان
خيرك مغرق كل مكان
الإحسان أشكال وألوان
وفرحه تفرح فى الغلبان
عشان نحس بالمحروم
تهزيب لروحنا 30 يوم
هللت فرحه شهر الصوم
فوانيس تلالأ طول الليل
صلاة تهجد تشفى عليل
صوت شيوخ كما الكروان
تخلينا نحس بريح رمضان
تفضل تغرد طول الليل
بأجمل آيات من القرآن
بتيجى تجمع شمل العيلة
أصحاب وجيران وسهرة جميلة
صلاة وقيام وصلاة تراويح
وسحورك فول بزيت و طحينة
و مسحراتى يعدى علينا
يفضل ينادى حروف أسامينا
اصحى يا عبده اصحى يا دينا
رمضان هل بفرحة جميلة
فوانيس وزينة مالية الشارع
ونور منور فى كل جامع
خشوع وتهجد قيام ليل
والكل فى الخير بيسارع
أيام جميلة وشهر جميل
مينمش فيها واحد جائع
والخير فيها بيبقى دليل
على عبد لربه بيكون طائع
قطايف كنافة وقمر الدين
وسلطانية بليلة فى ميدان عابدين
تمر وسوبيا وعرق سوس
وكل بيت على بابه فانوس
صورة أرشيفية
