فيسبوك
واتساب
صَبَّرت الصَبر على صَبْرِى
وضاع العُمر يا عُمرِى
وأعمل إيه وده قَدَرِى
أعيش وحيد طول عُمرِى
أناجى الليل فى سُهادى
وأقولُّه ع اللى بِفؤادى
أقُولُّه فين حبيب العُمر
اللِّى عَشانُه طال الصَبر
واللِّى معاه يحلى العُمر
واللِّى عَشانُه أهِد الصَخر
هى الحياة إيه غير حُبْ وفرح
مهما كان من حُزن وجَرح
والحكاية مش عايزَه لِشَرح
ولا قِسمَّه وجَمع وضرب وطرح
عٍيش الحياة من غير تَعقيد
كُل لَحظة فى عُمرَكْ عيد
ومهما كان الهَّمْ شديد
ومهما كان الحُزْنْ عنيد
قِيٍدْ شَمْعِةْ حُبَّكْ قِيِدْ..
وبُكرَّه هيطلع فَجْرْ جِدِيِدْ
صورة أرشيفية
