استشهد اخويا وهو واقف على الحدود
قتله الجبان ساعة الاذان بكل برود
وهو لسه يادوب بيجرح بالتمر الصيام
دخل فى جسمه رصاص الغدر ضربه بيه الجبان
مش قادرين ننسى صورته خلت قلوبنا حطام
لا دخل دنيا ولا لسه عاشها كان ذنبه ايه الغلبان
مين يا ناس يقدر يصدق ان اللى قتل انسان
ده لا ضمير ولا عنده مبدأ ده من فصيل حيوان
إرهابى وقلبه طاوعه يقتل فى 17 إنسان
من حقده وعمى قلبه قتلهم فى 17 رمضان
ايه ذنب اهله ابوه وامه قلوبهم تحزن عليه
زى الميعاد ده دفنوه النهارده ومبيفكروش الا فيه
مات حبيبهم وهو واقف على الحدود
قتله الجبان ساعه الأذان بكل برود
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة