عمرو إيهاب يسرى يكتب: خلى عندك أمل

خلى عندك أمل جملة قرأناها كتير وسمعناها أكتر، الجملة دى كانت سببا أساسيا لناس كتير إنهم يعيدوا النظر مرة تانية فى الإحباط واليأس اللى كانوا داخلين عليه، الجملة دى مش بس ليها تأثير مباشر على العقل والقلب لأ كمان ليها تأثير مباشر على شكل الابتسامة وعلى طول لما بنقرأها فى مواقع التواصل الاجتماعى بنلاقى بعدها وش بيضحك لأن الجملة دى بجد بتغير الإنسان بطريقة عظيمة بمجرد إنك بتسمع الجملة دى بتحاول تغير أسلوب تفكير وتعاملك مع المشكلة اللى بتواجهك، خلى عندك أمل إن بكرة أحلى، خلى عندك أمل فى ربنا خلى عندك أمل فى إن أى مشكلة وليها حل، خلى عندك أمل فى إن مفيش حاجة اسمها مستحيل، وكل حاجة عظيمة موجودة فى حياتنا دلوقتى كانت زمان اسمها مستحيل، وبما إنها اتحققت يبقى أكيد مفيش مستحيل خلى عندك أمل وخليك واثق فى نفسك وخلى دايمًا على وشك ابتسامة أمل.