الأبنودى يكتب قصيدة لـ"السيسى" عن الأسعار بعنوان "مرسال"

قال الشاعر الكبير عبد الرحمن الأبنودى خلال حواره مع الإعلامى وائل الإبراشى فى برنامج "العاشرة مساءً"، إنه كتب قصيدة بعنوان "مرسال"، مضيفا أنها رسالة إلى الرئيس عبد الفتاح السيسى، حول غلاء الأسعار.

وجاء نصها كالآتى:
الشعب عمره ما راح يعود للوهم والرجرجه فى القول والافعال
المساله غياب سلوك الحسم فى حرب جبارة جهاد وقتال
المساله دعم او مش دعم رايحين لفين اهو د هاهم سؤال
انا مش مصدق مهما صدق العزم انك تشيل الميه فى الغربال
كله اخد على البلطجة والخم ومصر مرضانه مرضها عضال
الشهر يسحب خلف منه شهر تقع المروئة مهما هتكون شهم
يا ايها القبطان قانون البحر متخفش على الصارى وخاف على اللحم
والشعب طاشى لا نظر ولا سمع وفضيت الساحه من الحرافيش
الدم متنكر فى صورة دمع والكبد متمزع والقلب مفيش
فاحذر لسان مسموم بقولنا وقال واخر النهار لا جدعنه ولا مال
عيون ازاز اما قلوبهم شمع والروح حته شقف وضمير خيش
متتكلش على إلى مبيديش طواويس منفوشة هوادج ريش
ويخافوا جدا من حكاية الجيش زمان جيه حاكم قلع الطرابيش
وخد بايد المنسى فى التهميش وانت سمحت ازاى يغلوا العيش
وسبت اهل النهب والتكويش ناسك لو انصرفوا هيفضى الكون لو ناديت مش رح يرد سؤال
الفقراء ضاعوا لا مدد ولا عون كان ما الثورة خيال فى خيال
يلى ضرطت شيطان ها الملعون فارس ونعمه بساله الخيال
تحت الفرس قلب الفقير مطعون ولا من سمع انين فقير الحال
ضحك المرابى وداس على المديون والغالية رايحه ترهن الخلخال
فتحت قلبى وبحت بالمكنون والفقراء بعتنى اليك مرسال



موضوعات متعلقة :

الأبنودى: الإخوان جعلونى أسب عبد الناصر وبعد 40 عاما مدحته