فيسبوك
واتساب
شايفاك
والعين
بتبص
على الحلم اللى اتلون
بقميص النوم
وانت حزين ..بتفكر
فى حنين .. الدمع
المتوارب
جــــــــوا .. عنيك
واللوم اللى شاريك
بينفض
كل الأحاسيس
ملعــون إبليس
اللى أباح الشوق الملعون
ملعــــــون
علشان غير حلم بـــرئ
ملعـــــــون
علشان ضفر أحلامـــى
بسواد الذنب
والقلــــــــــب
غير فى ملامحه
موت فرحــــه
علشان يرتاح
وانت وحيـــد
بتقول فى المشهد وتعيد
وتكرر فيضان النشــوة
عنيــــــــــــــد
بتفكر ازاى ..راح تقـــدر
تتخلص من أحلا خطيئة
بريئـــــــــــــة
عمـــــــــــرى
ما كنت فى مرة بريئة
علشان صدقت
مجنونـــــــــــة
وانت كمان .. مجنون
علشـــــــــان .. سلمنا
وعدينـــــــــــا
الخط الأحمر
بتفكر ازاى تتغيـــــــــر
تتلون وتعيش من تانى
بشويش
راح تلضم أحاسيسك
بفـــــــــــراغ الصمت
هتحاسب من بكره
وهترسم أيامك
وتلون فيهـــــا
وهتقعد عند النهر
تشــــــــــــــــوف
القمر ..المجروح
مدبـــــــــــــــوح
فى سماك
سامعــــاك
وأكيد شايفاك
بتعاند احساس مجنون
وتكون نقطة فى حلم غريب
وهتنسى
امباح وهتنكر
كل اللى عملناه
الشاعرة إكرام عيد
