فيسبوك
واتساب
ماليش فى السياسة ولو بالكلام
لكنّى مواطن وغاوى السلام
وما اعرفش غيرك يكون لى وطن
يا مصر العظيمة وكل الغرام
يا مصر اللى عشنا فى ضلك زمن
تحاجى علينا وتمحى الظلام
مرافق كفاحى فى غيط النعم
وباحكى روايتى لسرب الحمام
وباروى جبينك يا أرض الشيم
وبارفع راياتك يا أم الكرام
ولمّا بتبكى يصيبنى القلق
وادعى يكون الدعا فى الغمام
ولولا سفينتك نشوف الغرق
وأنتِ الحضارة يا بدر التمام
ماليش فى السياسة ولكن أنا
باحبك يا أمّى برغم الآلام
وبازرع بقلبك زهور الغنا
وهاغرس بدمك رحيق الوئام
فأنت الأمومة وأنت الصفا
وأنت وصية رسول السلام
جانب من الاحتفالات
