بهاء الدين محمد يكتب: سيادة الرئيس

ونفسى أجيلك وأخبط على بابك
ونقعد ندردش معاك حبتين
وحطلب شوية مطالب بسيطة
متكسرش خاطرى يا حلم السنين

تعرف يا ريس أنا نفسى ف ايه؟؟

د نفسى ف مرة أحس بأمان
ونفسى المدراس تعمر علام
ويبقى المدرس ذو هيبة جليلة
وتطرح فصولنا بذور السلام

ونفسى ياريس فى عيشة هنية
ونفسى فى حبة كرامة ورغيف
وتبقى العدالة لكل مواطن
ومش بس ليا وننسى الضعيف

نصيحة ياريس دى منى لسيادتك
متسمعش أبدا كلام الأفاعى
متسمعش للى يطبل ويرقص
يقولك بحبك وتسلم يا غالى

واسمع لشعبك واسمع صراخه
وابنى البلد دى بأمانة وضمير
وعمّر وكبّر وابنى ف مصانع
دى مصر الأبية دى مليانة خير

تحية ياريس ومنى لسيادتك
وأملى فى ربى ودايما كبير
اشوف البلد دى عروسة جميلة
علينا بتبدر فـــــ خيرها الوفير
كرامة ، أفاعى ، مدارس