فيسبوك
واتساب
مين بيصون العيش والملح؟
جانى ملخبط دمعه معيَّط
وضعى المالى مش متظبط
عايز سلفة الله يخليك
شهر اتنين بكتيره تتظبط
عدَّى سنين ولا قرش بيرجع
ولمَّا أطالبه يطول الشرح
يحكى كتير ويطول السرح
عيب يا صديقى دانا واكله معاك
يا ما أكلنا العيش والملح!
جوة قلوب سكاكينه بتقطع
فى كل مكان هتلاقى الجرح
هوة سبوع والدنيا تنور
100 اسبوع من ورا بعضيهم
دنياه سودة ما فيها الفرْح
إيَّاك تدى لواحد قرش
لو باس إيدك أو باس رجلك
لو هتطالب مدبوح دبح
وبسكينته الباردة التلمة
طالب عفوك طالب صفح
خلِّى فلوسك يا ابنى فى جيبك
مين هيصون العيش والملح؟
صورة أرشيفية
