فيسبوك
واتساب
خُدى يدى يا مصر يلا ومـدِّى إيـدك
نفسى بصراحة اقطع واعدى بحور وأجيلك
ألمس ترابك واحس إنى موجود فِ حضنك
أفـديك بـروحـى ولو وقعتى أكيد هشيلك
فـِ غربتى مـ الصعب بعدى يا مصـر عنك
بالطبـع مش حابب نهـائى ابعـد واسيبك
يا مصر أقسم بالله بحـبـك ومشتـريكِ
لأنى مصرى أصيل بيجـرى جوايا نيـلك
تغور حيـاتى ومحتجـاتى جنب اسمـــــك
بس افدى دينـى وأهل بلـدى وكل جيـلك
انسـى إن ممكن نتخلـى عنـك فِـ محنتك
لازم يا مصر تقومـى يلا وشـدى حيـلك
ماتخافيـش مهما اتجرحتى هتعيشى مصـر
رغم الخيـانة والكـلاب اللى نسيوا خيـرك
صعبان عليا أشـوف دمـوعك قـدام عينيا
نـار ف قلبى لو الدمـوع فـ يـوم تهينـك
أنا طول حيـاتى ما حـد يقـدر يجرحـك
ولو اتجرحتى ابقى اندفنت فـ حضن طينـك
علم مصر
