سألونى كتير عليا
إيه إسمك يا صبية
رديت بدموع عنيا
ست الحلوين بهية
روح النصر اللى جاية
أنا ضحكة للشهيد
ياولادى ونور عنيا
بصوا جوا ف عنيا
دمياط تحضن رشيد
علامة النصر اللى هية
دمعة فرحى الأبية
ضحكايا شرقاوية
سألونى كتير عليا
سألونى تبقى مين
بهية مقامى عالي
أم ابو شقرة يا غالي
واحمد عطا وياسين
نطقوا الشهادة اتنين
مبروك ويا الكبير
اصل الكبير كبير
أيوة انا أم الكبير
ومحمد عيد ينادى
يابلادى يابلادى
روح الشهيد ياولادى
زرعت جنة بلادى
ليه بعتم ليه بهية
ليه تقولوا حكم عسكر
وأولادنا ع الحدود
قتلوهم اخوة ليهم
وخانوهم دول يهود
قتلوا بإيدهم حاميهم
ناسيين رب الوجود
وبهية بتناديكم
شهداءنا للخلود
لو يتمتم ذويهم
رايحين رافعين إيديهم
والجنة فاتحة ليهم
باب الرضوان هدية
مخصوص لاولاد بهية
سألونى كتير عليا
أنا الدمعة العتيقة
تبكى فى عين الحقيقة
أنا المجد اللى راجع
أنا الضحكة البريئة
طفلة وماليها جراح
وبتغزل فى الصباح
تمسح دمعة بهية
سالونى كتير عليا
شعرة فى راس اليتاما
تشهد يوم القيامة
إن إبنى كان علامة
فخر وعزة وكرامة
ورجولة ورفع هامة
إبن الفرحة اللى راحت
ضفره بالدنيا ديا
سألونى كتير عليا
يا أولادى أنا البهية
فلاحة أنا مصرية
بازرع فى ارض الخير
دم الشهدا الكتير
يطرح مليون صبية
يمسح دمعة بهية
سألونى كتير عليا
علم مصر
مشاركة
اضف تعليقاً واقرأ تعليقات القراء
مشاركة
