رمضان جانا معاه الفرحة
دخلت كل بيوت الناس
رمضان جانا معاه الخير
عم البشر وعم الطير
رمضان جانا ف عز الضيق
خلى همومنا بلعة ريق
رمضان جانا وإحنا ف حيرة
بقت الحيرة ملهاش سيرة
رمضان جانا وإحنا عصاة
و ما عداش غير وإحنا دعاة
رمضان غير فينا حاجات
جانا بكلمة بعد سكات
رمضان جانا ومعاه قرآن
فيه رحمة وفضل وإحسان
رمضان جانا بعد غياب
وجانا معاه كل الأحباب
رمضان جانا يا رب يدوم
بيعدى الشهر علينا ف يوم
رمضان جانا يا كل الناس
صوموا وصلوا لرب الناس
المستشار علاء الدين إبراهيم محمود يكتب: رمضان جانا
الجمعة، 27 يونيو 2014 08:03 م
فانوس رمضان
مشاركة
اضف تعليقاً واقرأ تعليقات القراء
مشاركة
