فيسبوك
واتساب
الرحمة علينا شوية
ما تلمِّى شوية دلالك
بتقطعى قلبى بمشيك
ويهز كيانى جمالك
والرمش بيدبح فيَّا
بتسَيِّلى دمِّى بحور
وعيونك تخطف قلبى
والضلع يبات مكسور
مش كنتِ يوم من ضلعى؟
ونشاكى المولى بدور
م الضلع المحنى المحنى
ما تلمِّى شوية الدور
البسمة تشعلل قلبى
والخد يشع النور
تفَّاح يا خواتى يزهزه
والشعر يغطى سماكى
والننى يدوِّب منى
فيروزه جبال وقصور
م الحلم خلاص صحينى
دا ملاكى بنات الحور
أتارينى دخلت الجنة
وعنيكى قادت لى النور
صورة أرشيفية
