لما يبقى الكلام زى السُكات
والصبر يبقى جَنين ومات
يبقى اللى بينا ملهوش وجود
لما فى البعد نعِد العمر بالساعات
ونحاول بالعافية نرجع اللى فات
يبقى غباء من غير حدود
لما منتعلمش ونجرى ورا أوهام
لما نستسلم للى يجرحنا وحرجه
غارس فى العِضام
يبقى العقل غايب والقلب دايب
فى قلب ميستاهلش حتى
الجحود
صدقونى ...
النهاردة بس فهمت معنى الحكاية
اللى يحب دايما يملك نقطة البداية
واللى نحبه فى أيده نقطة النهاية
صدقونى..
الموت مش بس نفس ينتهى
ولا اسم من الوجود يختفى
الموت يعنى قلب يجرحك
ولا يختشى..
صورة أرشيفية
مشاركة
اضف تعليقاً واقرأ تعليقات القراء
مشاركة
