أطلق الدكتور معتز بالله عبد الفتاح، مبادرة متعلقة بـ"تحرى الدقة فى المعلومات التى ينشرها الإعلام عن الوزراء وأدائهم"، وقال: "بقول لكل زملائى تحروا الدقة، وكونوا موضوعيين".
وقال "عبد الفتاح" فى برنامجه "باختصار" على قناة "المحور": "بقول لكل زملائى تحروا الدقة وكونوا موضوعيين، ويكون ليكوا رأى مبنى على معلومات وأدلة".
وتابع: "مبادرة لكل الزملاء فى كل القنوات، ابدأوا صفحة جديدة، فيه أسماء وزراء موجودة، نتمنى لهم كل توفيق، ده منتخب قومى أملنا إنه ينجح، ننصحهم مش نشتمهم، علشان يقدروا يأدوا علشان المركب ينجو مما فيه".
وواصل: "ده بيان هام لجميع الإعلاميين تحروا الدقة حاولوا تساعدوا مش تطبلوا، لو فيه حاجة غلط نقول، ولو فيه حاجة صح نقولها"، مضيفا: "لا نعمل بمنطق حسم القضية، وندبح الوزراء، فالوزير والمسئول بشر، ينتقد لما يقصر، ولما يشتغل ويتشتم برده، هيقول والله ما أنا شغال".
