بالفيديو.. كفر طهرمس تغرف فى مياه المجارى.. والأهالى "هدوا البيوت لو ده الحل"

"بقالنا 3 سنين على الحال ده، ولو سديت البلاعة برة المجارى هتطفح على الأوضة بتاعتى أنا والعيال ومراتى"، بهذه الكلمات عبر عم محمد، بواب، فى أحد العقارات فى كفر طهرمس عن معاناته اليومية أمام مياه الصرف الصحى التى احتلت شوارع الكفر وأدت إلى غرقها فى المجارى.

وأضاف عم محمد، خلال لقائه بـ"فيديو7" قناة اليوم السابع المصورة، "عندى أوضة متر فى متر لو ضربت المجارى جوة هروح فين أنا وعيالى؟!"

فيما قال جمال توفيق، صاحب عقار: "بتوع الحى قاعدين فى القهوة، كل يوم المية بتغرق الشارع من الساعة 3 العصر، ومكن الشفط بيفضل شغال لحد الوقت ده وبعد كدة بيبطل، والشارع بعده بيغرق".

وأضاف عزت حجازى: "المشكلة مالهاش حل، والمحافظ جيه والحى جيه ومحدش عرف يحل حاجة، كل يوم بنتغرق مياه مجارى، واللى بيصلى مش عارف حتى يصلى بيتغرق وهو راح المساجد"، متابعا: "لو الحل أنهم يهدوا البيوت يهدوها".