السؤال ملهوش إجابة
وبرضه لسّه بتسأليه
الآلاف أمثالنا حبوا
م السؤال دا هربوا ليه؟
عايزة أقول لك عشقى ليكى
كان لروحك ولا إيه؟
كان لعينك لمَا تسرح
كان لرمشك لمَّا يدبح
كان لشط عنيكي جارف
لمَّا نِنِّك نط يفرح
كان لخدك آه يا روحى
لمَّا خوخه يطيب ويطرح
كان لشفة توتها طايب
والفراولة تِرُوح تِروَّحْ
كان لشَعْرِكْ عمره سارح
ف الهوا بيطير ويمرَحْ
كان لِكلِّكْ أيوة كُلّكْ
لمَّا عود الورد يجرح
إيد تحاول قطف ردة
من جنينة ورد خدِّكْ
افتحى كشكول حياتنا
في لحظة حلوة واسأليه
السؤال ملهوش إجابة
رغم كل ما قلته فيه
أيوه أيوه بحبك أنتِ
ولسه برضه بتسأليه!
صورة أرشيفية
مشاركة
اضف تعليقاً واقرأ تعليقات القراء
مشاركة
