رمضان زكى معتوق يكتب: قمر 14

قمر 14 سبحان اللى صور جمالك.. فى الحسن مثال ومخيم بنورك على الكون ما أحلاك.. وأنا فى وادى يا قمر وحبببى فى وادى رغم البعاد يا قمر بنورك زاد الوداد، نور شارعنا يا قمر بنورك الباهى واوصل ما بينا يا قمر وخللى الحبيب صاحى وبلغ سلامى واوعى تنافسنى فى الحسن هو ياقمر عنك يزيد لو كنت فى العلالى منور وفوق الدنيا ساكن هو فى كل الأماكن منور ومن قلبى ماكن لو أنت نورك من شعاع شمس هو نوره من ضحكة مرسومة على وجه يضوى ظلام ليل داكن. واحترت أخبى يا قمر ولحبى أدارى حاسس هوايا يا قمر ولا أنت مش دارى خايف أقوله يا قمر عن كل حالى يسكت ويكتم هواه وكأنه مش شارى ولما أقابل عزولى تفضحنى دمعة فى عينى يعرف حنينى ونارى خليك معانا يا قمر رسول غرام وصل حنينى وغرامى وعنده انصفنى واحكى لقمرى يا قمر عن شوقى وهيامى وأوصفله حالى يا قمر وعنه اوصفلى ما هو أنت وحدك ياقمر فى وقت واحد شايف حبيبى وشايفنى..