فيسبوك
واتساب
أول مرة إحساسى ما يكدبشى
وقلبى يقوللى بكفاية وقوم وامشى
وعم الباشا قال صاحى ما بيرمشى
وأنا وهى جسد واحد ما نام رمشى
ودبنا وسبنا نفسينا
تودينا ترجعنا
وصوت البوسة مخدعنا
وورد الخد خوخ صابح
وحضن الشوق مدفينا
بعتنا الصورة بمزاجنا
يا كل الدنيا راقبينا
مادام الود ما بينا
وهمس الحب راق بينا
وعهد الله ما هتسبيها
دى حرية تكفينا
وحطوا رقابة ما تحطوا
وعدوا أنفاس خطاوينا
ركبنا صاروخ ما هيوقف
بسرعة ضوء مرق بينا
وراقبوا الدنيا ما تراقبوا
قلوبنا خلاص هتحمينا
فتحنا الكاميرا ع الآخر
طردنا الخوف ما عاد فينا
كاميرا
