بالصور.. "السيسى" على "العلم" و"الميدالية" و"الكاب" و"السلسلة" والـ"تى شيرت".. المصريون طبعوا صور الرئيس داخل قلوبهم.. وفوق كل حاجة

على مدى عام كامل انتهى بالتنصيب كأول رئيس جمهورية «مطبوع» فى قلوب المصريين وعلى منتجاتهم، تفنن محبو السيسى ومؤيدوه فى صناعة منتجات تعبر عن حبهم له، فبعد أن انتشرت تى شيرتات السيسى، وتحديدا بعد عزل محمد مرسى من الحكم، وأصبح مع كل مناسبة يخرج فيها السيسى يخرج معه شىء جديد، فعلى مدى هذا العام أى منذ عزل مرسى وتنصيبه رئيسا للجمهورية، والمنتجات التى تحمل صورة السيسى سواء بزيه العسكرى أو المدنى فى تزايد.

محمد شلبى أحد بائعى منتجات السيسى يقول لـ«اليوم السابع»: «أنا ابتديت أبيع صور المشير بعد عزل محمد مرسى من رئاسة الجمهورية، وبعد كل فترة بتظهر منتجات كثيرة وببقى لازم أجيبها أبيعها، لأن الناس بتحبه ومستعدة تشترى أى حاجة عليها صورته، بعدها ظهرت الـ«تى شيرتات» اللى الناس بتحب تلبسها فى الاحتفالات، يعنى أنا عشان التنصيب النهاردة بعت تقريبا أكثر من 60 تى شيرت، الناس فرحانة وعايزة تشيل صورته، كمان عندى كل حاجة عليها صورة السيسى زى ميدالية أو كاب أو طاقية أو ماسك بصورته للعيال الصغيرة، وعندى سلسلة كمان بعلم مصر وصورة السيسى، إنما الجديد بقى هو العلم اللى عليه صورة السيسى وده لأن الناس فرحانة بيه جدا عشان هتنزل تحتفل بيه، بعد ما بقى رئيس الجمهورية».

ويضيف: «أنا هنا فى شارع جامعة الدولة اسمى (محمد سيسى) عشان من ساعة ما السيسى شال مرسى وأنا متعهد أبيع حاجته كلها لأنى كمان بحبه وبشجعه».