فيسبوك
واتساب
ياللى بتيت ياللى بتشيت خلى بالكم م التافاهات
ده فى تخطيط وفى مسافات بينك وبين تخطيط أزمات
بلاش تشيير بدون تفكير لكلام مخبول ومش معقول
بلاش تحوير وكفاية تدوير حروف الكلام من غير تبرير
كليك يمين كليك شمال الكل حزين على دا الحال
بدون إحباط بدون تخبيط دانتا يا مصرى رأس المال
زى ما قالوا فى الأمثال دوام الحال ده من المحال
فجر جديد ظهوره أكيد نادينا عليه رد وقال
يا شعب عنيد بكرة أكيد راح تتحسن الأحوال
ويجى العيد مع الزغاريد وتيجى معاه راحة البال
ده انتى يا مصر يا عزة ونصر مزروعة شتلة ثمارها رجال
إن كنت بتويت ولا بتشيت خللى بالك من التفاهات
تَوّت بحروف تنور لنا الظلمات
تبنى تعمر تفتحلنا الطرقات
شَيّت بحق الشهيد اللى مات
اللى يرضى ضميرك واوعى تنسى اللى فات
شيّر دموع أبوه زخات
ودموع أمه اللى مش مصدقة إنه مات
يا فجر جديد يا فرحة يا عيد
تعالى فرّحى أم الشهيد
ونعيش العيد بلبس جديد وحياتك يا مصر لييجى العيد.
صورة أرشيفية
