فيسبوك
واتساب
الدنيا تلاهى يا خَلق يا خال
سِيرك مَلاهى وقُولنا وقَال
مِنين هَتيجى راحة البال
ولينا فيها ألف سؤال
الحق فيها بَقَى كَداب
والكدب فيها فَتح أبواب
لو عشت بجد يقولوا غراب
لو قولت الحق يقولوا كداب
اللى عايشها هو النَصاب
واللى دايسها أكيد كداب
ماشى راسمها بدون أصحاب
بيسايس فيها الأغراب
لا يهمُه ناسها ولا الأرباب
حياته دنيا نهايته سراب
الدنيا تلاهى يا خَلق يا خال
عشيتنا فيها ضيوف
الحق فيها ميزانُه مال
وحجتنا هى الظروف
الدُنيا فانية ومش باقية يا خال
عُمرَها ماأديتنا راحة البال لينا
فيها ألف سؤال مَهمَا بيِنا العمر طال
الدُنيا تلاهى يا خَلق يا خال
سيرك ملاهى وقولنا وقَال
مِنين هَتيجى راحة البال
ولينا فيها ألف سؤال
إجابتُه جوة بحر الخُوف
فوقوا يا خَلق اعملوا مَعروف.
صورة أرشيفية
