حوش عنّا، حوش عنّا
يا خالقنا حوش عنّا
حوش عنّا فيه مصايب
وكوارث جايلنا
ومكايد إبليس
آهى كترت فى زمانّا
أعوانه بتهجّص
والشر بيتربص
بالرزق وبعيالنا
حوش عنّا، حوش عنّا
ليه العيشة مخنوقة
ليه كنايس محروقة
ولا برّا ولا جوّا
راح يسأل عن حالنا
عصابتهم مطلوقة
ومتاجر مسروقة
ويقولوا دا حلالنا
حوش عنّا، حوش عنّا
حوش عنا مين دايس
فى الطلبه ومدارس
فى القبطى وكنايس
ويقولك دا جهادى
مولوتوفى يا ولادى
ها يوصّل للجنة
حوش عنّا، حوش عنّا
آدى عينهم ع الجيش
وآدى إيدهم ع الشرطة
ومفيش مخ مفيش
وبلدنا ف الورطة
بتصلّح فى الغلطة
والفوضى بقت عادة
وغباوة بزيادة
ولا حد بيرحمنا
حوش عنّا، حوش عنّا
حوش عنّا وأعنّا
والشر بعيد عنّا
ياما لسه بنتمنى
وياريت تسمع منّا
أمانينا وأحلامنا
ف ليالينا وأيامنا
صورة أرشيفية
مشاركة
اضف تعليقاً واقرأ تعليقات القراء
مشاركة
