فيسبوك
واتساب
يارب جمع شملنا ورجعنا تانى إخوات
رجعنا نحب بعضنا وننبذ الخلافات
وزى ما كنا عايشين قبل تلات سنين
لا فارقة معانا سياسة ولا انتماءات
...
يارب جمع شملنا ورجعلنا طيبتنا
وحاجة ضاعت مننا اسمها إنسانيتنا
يارب رجعلنا الأمان وأهم منه كمان
حاجه كانت موجودة زمان اسمها تربيتنا
...
يارب جمع شملنا ورجعلنا الابتسامة
واحقن دماءنا كلنا لحد يوم القيامة
يا رب اصلح حالنا مش عارف إيه جرالنا
ورجعلنا مصر لحسن بجد وحشانه
...
يارب جمع شملنا وإهدينا
وخللينا مصر ولمصر خلينا
يارب خلينا نعمر نبنى ونخضر
مش نهد ونكسر ف مصر بإيدينا
صورة أرشيفية
