فيسبوك
واتساب
واحد زيك
كل بحور الشعر بتاعته
يكتب مرة بحر طويل
ومرة الكامل يصغر أد يدوب ولاعته
ومرة بسيط وهو بسيط
ومرة حويط
ومرة الوافر فوق شماعته
ومرة يتلفن يسأل عنك
يغنى كلامه ف بوق سمَّا عته
ومرة تزوره
ترن عليه الباب يفتح لك
طلة بهية من شراعته
ولما يطل عليك من راديو
أحلى كلام يتقال فى إذاعته
ولما تقولّه سلام على لبسك
ضحكة قلبه تقول وفصاحته
عمر اللبس على مزهزه
ولاَّ فاكرنى ياواد انا شحته؟
شعرك عمره دوام تفصيل
فن الحرف يدوب ف جلاوته
أرشيفية
